விவேக பாரதி தமிழ் வலைப்பதிவுகள் அரங்கம்
ஓர் இளைஞன் சாக்ரடீஸிடம் வந்து வெற்றிக்கான இரகசியத்தைப் பற்றிக் கேட்டான்.அதற்கு சாக்ரடீஸ் மறுநாள் காலை ஆற்றங்கரைக்கு வருமாறு கேட்டுக் கொண்டார்.
மறுநாள் காலை ஆற்றங்கரையில் இருவரும் சந்தித்துக் கொண்டனர். சாக்ரடீஸ் அந்த இளைஞனை ஆற்றை நோக்கி உள்ளே வரும்படி கேட்டுக் கொண்டார்.
கழுத்தளவு நீர் வரை உள்ளே வந்தவுடன் அந்த இளைஞனை நீரினுள் வைத்துஅமுக்கினார்.அவன் வெளியே வர முயற்சி செய்தான். ஆனாலும் அவனை அப்படியேஅமுக்கியவாறு அவனது முகம் நீல நிறமாக மாறும் வரை வைத்திருந்தார்.
சற்றுப் பொறுத்து அவனது தலையை நீரினுள்ளிருந்து வெளியே இழுத்தவுடன் அந்த இளைஞன் செய்த முதல் வேலையே தன்னால் இயன்ற அளவு காற்றை மீண்டும் மீண்டும் உள்ளிழுத்தான்.
சாக்ரடீஸ் அவனிடம் “நீ நீருக்குள் இருந்த போது நீ எதை அதிகம் விரும்பினாய்?” என்று கேட்டார். அந்த இளைஞன் அதற்கு “காற்று” என்று பதிலளித்தான்.
சாக்ரடீஸ், “வெற்றியின் இரகசியமும்”அது தான் .நீ எவ்வளவு அதிகமாக காற்றை விரும்பினாயோ அதே அளவிற்கு வெற்றியையும் விரும்பினால் உனக்கு அது கிட்டும்” என்று சொன்னார்.
இதைத் தவிர வேறு எந்த ரகசியமும் இல்லை என்றார்.
