சிறுநீர் கோளாறை சீர்செய்யும் துளசி!

சிறுநீர் கோளாறை சீர்செய்யும்…

நீரிழிவை கட்டுப்படுத்தும் துளசி!

–––––––

துளசி என்றால் எல்லோருக்கும் தெரியும். அதன் மருத்துவ குணங்கள் ஏராளம். அதற்கு ஆன்மீக மகத்துவமும் உள்ளதாக புராணங்கள் கூறுகின்றன. எல்லோர் வீட்டிலும் இருக்க வேண்டிய செடிகளில் முதன்மையான இடத்தைப் பிடித்திருப்பது, துளசிச்செடி தான். அவரவர் வசதிக்கேற்ப, சிறிய தொட்டியில் கூட துளசி செடியை வளர்த்து வரலாம். ஆனால், அதனை கவனமாக பராமரிப்பது அவசியம். எளிதாக கிடைக்கும் அந்த துளசியில் தான், எத்தனை எத்தனை மகத்துவங்கள்.

துளசி இலையை, ஆரோக்கியமான மனிதன் தினமும் தின்று வந்தால், குடல், வயிறு, வாய் தொடர்பான பிரச்சினைகள் அவன் வாழ்நாள் முழுவதும் வராது. ஜீரண சக்தியும், புத்துணர்ச்சியையும், துளசி மூலம் பெறலாம். வாய் துர்நாற்றத்தையும் போக்கும். நமது உடலுக்கான கிருமி நாசினியாக இருப்பதுடன், துளசி இலையைப் போட்டு ஊற வைத்த நீரை, தொடர்ந்து பருகி வந்தால், நீரிழிவு எனப்படும் சர்க்கரை வியாதி நம்மை நாடாது. கோடை காலம் வரப்போகிறது. வியர்வை நாற்றமும் கூடவே வந்து விடும். அதனைத் தவிர்க்க, குளிக்கும் நீரில் முந்தைய நாளே கொஞ்சம் துளசி இலையைப் போட்டு அதில் குளித்தால் நாற்றமே இருக்காது.

தோலில் பல நாட்களாக இருக்கும் படை, சொரிகளையும், துளசி இலையால் குணமடைய செய்ய முடியும். எப்படித் தெரியுமா? துளசி இலையை எலுமிச்சை சாறு விட்டு நன்கு மை போல் அரைத்து, அந்த விழுதை தோலில் தடவி வந்தால், படை, சொரி இருந்த இடம் தெரியாமல் மறையும். சர்க்கரை நோய் வந்தவர்களும், துளசி இலையை மென்று திண்ணலாம். இதனை செய்து வந்தால், சர்க்கரை அளவு கட்டுப்படும். மருந்து மாத்திரை மூலம் செய்ய முடியாததை இந்த அருமருந்தான துளசி செய்துவிடும். சிறுநீர் கோளாறு உடையவர்கள், துளசி விதையை நன்கு அரைத்து உட்கொண்டு வர வேண்டும். கூடவே உடலுக்கு தேவையான அளவிற்கு தண்ணீரும் பருகி வர பிரச்சினை சரியாகும்.